martes, 23 de junio de 2009
Eleizpeko pilota txapelketa.
Zaldibarren aspalditik jolasten da esku pilotaz eleizpean. Zalduako esku pilota taldeak, azken urteetan legez, txapelketa bat antolatzen dau udaberriko larunbatetan, hemen ipiniko ditudan argazkiak aurtengo hiru larunbatetan egindakoak dira.
domingo, 26 de abril de 2009
Blue montagne. Mendi urdina
Blogari izena jartzeko Kandinskyren "Blue montagne" margolanean inspiratu naiz. Bertan mendi urdin bat, zuhaitz horiska bat, beste zuhaitz gorriska bat, hiru zaldun eta zenbait oinezko agertzen dira.
http://www.galleryofart.us/albums/Vassily_Kandinsky/bleu%20montagne%20kandinsky.jpg
Alluitz mendia Axtxikitik ikusita Kandinskiren betaurrekoekin.
Inguru hauetako eskultura naturalak.
Tellamendi (Belamendi) mendiaren tontorraren ondoan pasa den astean ateratako argazkian (oraingo honetan Photoshop erabili gabe) , hiru pago agertzen dira, bakoitzak bere erritmoan ateratzen ditu hosto berdeak, eta Kandinskiren kuadroan bezala bakoitzak kolore bat du.
http://http://es.wikipedia.org/wiki/Tellamendi
Tontorrean gurutze ikusgarria dago.
Eta gurutzearen historia nahiko bitxia da.Goiko txapan honakoa jartzen du:
AGUR
BELAMENDIKO GURUTZ DEUNA
ARETXABALETA´N EGIN ETAARAMAYOTARRAK JASORIKUA
ZABALDU EGIZU IBAR ONETAN
GIZARTE PAKEA TA ZORIONAJ.E.L.
1935GKO IRAILAREN 15´N
871M.GOITASUNAEta beheko txapan honakoa:
"LURGORRIK" JASO NINDUNLERKAIAK IRAULI
BERRIZ ZUTIK NAUZUTE
ESKER HERRIARIMENDI TONTOR HONETAN
GUZTION ZAINDARI
GURUTZE HONEN BIR-JASOTZE EGUNA
1977 MARTXOA 5´AN
Antza denez, 1977. urtean gazte batzuk ikurrina bat ipini zuten gurutzean, eta Guardia Zibilak mina lehergarri bat zeukaleren aitzakiarekin lehergailu batekin gurutzea bota zuen.Urte berean berriz ipini zuten gurutzea.
sábado, 4 de abril de 2009
Magumako ataria
Magumako atariaren galtzadako zatian, alboetan dauden harrietan zizelkaturik gurutzeak eta beste marka batzuk daude.
Inguru hauetan orain pinua da gehien ikusten den zuhaitza, baina gaztainondo zaharrak ere badaude, batzuk eihartuak eta beste batzuk gutxi falta dutenak eihartzeko.
Udaberrian inguru hauetan beste landare berezi bat agertzen da, euskaraz hainbat izen dituena, anbulu-porru, anbolin, zelaikoporru, txerri-patata, sorgin-porru eta anbala, espainolez "gamón" esaten zaio. Izen zientifikoa "Asphodelus albus" dela uste dut. Antzina porrusaldak eta arrautzakin nahaskia egiteko erabiltzen zela irakurri dut nonbait.